Традицимӕ гӕсгӕ ирон ӕвзаджы бӕрӕгбоны кадӕн нӕ республикӕйы бирӕ цымыдисаг мадзӕлттӕ арӕзт ӕрцыди. Нӕ рӕвдауӕндоны дӕр уагъд ӕрцыд мадзал «Къоста ӕмӕ мадӕлон ӕвзаг». Ардӕм хуынд ӕрцыдысты  ирон адӕмы ӕппӕтдунеон ӕхсӕнадон змӕлд «Стыр ныхас» -ы сылгоймӕгты комитеты минӕвӕрттӕ ӕмӕ хъомылгӕнинӕгты ныййарджытӕ. Нӕ рӕвдауӕндоны хъомылгӕнджытӕ сӕ хъомылгӕнинӕгтимӕ ӕмӕ сӕ хъомылгӕнинӕгты ныййарджытимӕ тынг зӕрдиагӕй  сӕхи бацӕттӕ кодтой ӕмӕ сбӕрӕг кодтой ацы бӕрӕгбон. Ирон фӕндыры цагъд, бӕрӕгбоны арфӕтӕ, сценкӕтӕ, кафты уынӕр ӕмӕ сывӕллӕтты зӕлланг хъӕлӕс ӕмдзӕвгӕтӕ кӕсгӕйӕ ивтой сӕ кӕрӕдзийы.